السلام عليكم ابي اتعلم اللغة الانجليزيه باي طريقة وباية وسيله للتعلمها .
اخوكم اصيل صفر في الشمال في الانجليزيه لا من الكتابه لامن المحادثه وحتى القراءه لك عليه . وش النصيحه الي توجهونها لي في تعلم اللغة الانجليزيه .

هل ادش دورة تعلم للغة انجليزيه في الرياض .. وهل في معهد ممتاز مره للتعلم اللغة .

اما في طرق ثانيه للتعليم . وعلى فكره انا قبل سنه كنت راح اسافر للخارج للدراسه بس ربك مايسرها .

فكرت اني اسافر مره ثانيه قلت اخش معهد في الرياض يعلمني الاساسيات ثم اسافر بس . ماضمن صراحة اني اسافر للخارج يعني لوجت جت لو ماجات مالي الى اتعلمها في الرياض.

مابي ابربر عليكم واجد بس ابي نصحيه منكم حلوه تفيدني وصدقوووني مالكم الى الدعاء من قلب صادق . بس دلني على الزين . لاني والله راسي من كثر التفكير والدوشه طلع :**4**:

ولكم مني المحبة والتقدير

__________________

مممممممممممممـ يآ خووي انا اعرف نآس نفس حآلتكـ ويروحون برا ويتعلموون بس انا من رآيي انكـ تدخل اي معـهـد بالريـآض بس اسال عن المعهد شووف زين ولآ لآ او جيب لكـ مدرس يعلمكـ لكن اذا بغيت تصير محترف لآزم تجيب احد من انقليزي احسـن

والله يووفقكـ بالتعليم يا ربـ ويسهلكـ

<<تكفى ادعلي اجيب مجموع كووويس

هلا والله احساسها وربي يوفقك وين في دراستك

وبالنسبة لي فكرت اني اجيب مدرس عندي في المنزل ماتوقع تكون حلوه لن المعهد افضل من ناحية تواجد الاجهزة التعلميه والوسائل الاخرى للتعليم . وبالنسبة اني ادرس للخارج انا اقولك ماضمن اني ادرس للخارج هي اذا جت جت بظروفها . لكن الحين تفكيري منصب اني احسن نفسي في الاملاء والمحادثه وتعلم بعض الاساسيات في اللغة .

تحياتي لك

__________________

أخوي الله يوفقك إن شاء الله
بس أنت لازم تدرس بمعهد أفضل من ناحية وسائل التعليم
وأهم شي بتعلم اللغة الإنجليزية هو ممارستها والتحدث مع الناس بها حتى ترسخ بمخكـ الكلمات...

الله يعطيكـ العافية
والعاقبة لدينا بتعلم اللغة الإنجليزية...

__________________

هلا بالمشاعر ومشكور على طرحك اخوي .

وان الان ابحث عن معهد انجليزي ممتاز .

حصلت معهد انجليزي جميل بس فترته طوويله من الساعه 8 -12 صباحاً اربع ساعات بس الفائده فيه اكبر . الدبلوم عندهم مكثف وهو 11 شهر والحين قاعد افكر اني ادشه ولالا . والمشكلة تكمن في 4 ساعات متواصله وحصلت معاهد ثانيه من 10 - 12 صباحاً بس اتوقع ان الفائد اقل بحكم انه سا عتين .

والى الان ماتخذت الاقرار وربك يسهل يارب

__________________