{ دمعة المكسور }

عيوني ما ذبحها غير دمع و خـاطر[ن] مكسور
و ذاك اللي على الكرسي عجـز لا يملي شعوره

براءة بســــمته تكشف خفى قلبـه مع المستور
و عينه تحـــــــتريني كل ما بـان الفـجر نوره

ذبحني منظر الدمعة على خدّه بــــدون شعور
تحدّر مدمعي و أقفيت عـَنـْه و رحت مجبوره

و ما امداني تركته و المـواقف في خيالي تدور
و حتـّى شفته فحلمي بنفس الصوت والصورة

لو انـّه نقدر نوقــّف ثواني هــــالزمن و نثور
أكيد انّ الزمن وقــّف على مـــلاقاه و حظوره

غريبة كيــــــف ودّانا الزمــان و ردّنا بغرور
و الاغرب كيــف نتكابر و كلـّن مات بـغروره

مصيبة كيــــــف كفـّـنا الغرام بقلبنا المهجور
حسافة كيف خلـّـيـنا المشاعر غصب مقبورة

أنا بايدي تركت الحب مثلك عاجـــز و مقهور
و قلبك ما طلب قربي لجل ما أهـــــدم شعوره

صحيح اني تبسّمت و تركتك تبتــــعد مجبور
و كانت بسمتي فعـــــلا على هالحال مقهورة

أنا ما كنت ناوي بالخيال ابني وهم و قصـور
تأخـّر هالقرار و فـ الأخير اتـّضحت الصورة

في هذا اليوم أتـْمـَمـْنا على الفرقا ثلاث شهور
بقى ميعادنا ينطر على كف الزمــــــــن دوره