هدية الشتاء(المكياج الكلاسيكي)

#1 21-11-2008, 06:51

مرحبا

شفت هالموضوع بمنتدى اعجبني مررررررررررة وقل هذا وقتة

زبدة الموضوع كلنا نعرف المكياج الكلاسيكي ..

ومناسبة هالموضوع هو دخول الشتاء

وهذا اللوك جدا يناسب للشتا لانه يعطي جو دافي بعكس الصيف اللي نعتمد فيه ع الالوان والبرونز ..

بس بعضنا ما يعرف وش ضوابط المكياج الكلاسيكي ..

بعضهم تجيك راسمه نفس الكحل بس حطت شي زياده وخربت

هنا شرح مفصل للمكياج الكلاسيكي

وش تقدرين نعتمدين عليه فيه وايش اللي ما يصلح تسوينه بهاللوك

اول شي الادوات :

1/ اساس افتح من لون بشرتك

2/ باودر عشان لا يكون بوجهك لمعه ..

3/ كحل سائل

4/ ماسكرا سودا

5/ شدو بيج او زهر فاتح ..

6/ بلاشر بلون هادي ..

7/ كونسيلر (مخفي عيوب) للي تحتاج ..

8/ روج فاتح او غامق

9/ قلوس

10/ قلم حواجب

-------

فيه عدة اشياء تعتمد عليه ..

1/ يكون الاساس افتح من لون البشره بدرجه لو كانت سمرا ..

وبنفس درجتها او افتح بدرجه للبيضا ..

( المهم ابدا ما يكون اغمق )والاهم ما يكون ابيض بزيادة ههه

2/ الحواجب لازم تكون غامقه ..

مو شرط مره ..

بس انه لازم تنرسم ..

3/ طبعا التكريز بهالمكياج بيكون ع العيون من فوق ..

4/ الروج ممكن يكون بيج زهر اورنج فاتح او احمر او عنابي ..

كل وجه واللي يلبق عليه

5 / بالنسبه للبلاشر ما يكون واضح مره ..

6/ يفضل وضع باودر على الوجه بعد الانتهاء من البلاشر والمكياج لسببين ..

* لانه هاللوك ما يصلح له بشره تلمع .. فالبودره بتطفي هالمعه

* البودره لما تنحط فوق البلاشر (احمر الخدود) بتطفي لونه شوي وما تخليه واضح مره

7/ اذا كان فيه مشاكل بالبشره فلازم تحرص انها تغطي بالكونسيلر جميع عيون بشرتها وما يكون ثقيل ولا فاتح جدا ..

يعني تجيب كونسيلر بلون بشترها وتغطي الهالات والحبوب و كلش ..

وبعدين تحت الاساس اللي افتح من بشرتها بدرجه او درجتين ..

وبعده البلاشر ..

وبعده البودره .. ( مع مراعاة ما نكثر الباودر عشان ما يطلع الوجه كانه بطحين ) !!

8/ التركيز عالماسكرا فوق العين

واذا حبيتي تحطين ماسكرا للرموش السفلى للعيون اللي تكون طالعه على فوق

اما اللي عيونها ناعسه ما انصحها تحت ماسكرا من تحت ..

فيه اشياء ما تتناسب مع هاللوك !

1/ ما نحط اساس برونزي او غامق بالهلوك لو كنتي بيضا .. او حنطيه ..

بس لو كنتي سمرا افضل لك تحطين بادور برونزي بس بدون لمعه ..

2/ ما نحط كحل تحت العيون ..

3/ ممنوع الشدو الغامق هنا !!

ممكن تحطين بيج في طية العين او زهر فاتح موف جدا فاتح يعني الوان ما تبان ابدا ..

وانا افضل البيج اللي مايل على زهر ..

ممكن تحطين شدو لؤلؤي على كل العين قبل البدء بالكحل

بس ما يكون شكله ابيض مره !!

يعني كانه شفاف لون خفيه بس عشان يفتح هالمنطقه ويبين عليها الكحل احلى

4/ اللي سفطة عينها جدا صغيره .. تحاول تقلل من عرض الاي لاينر فوق العين ..

اما اللي جفونها واسعه تقدر تعرضه زي الفديو ..

بالنسبه للرسمة الكحل نفسها ..

كيف نتحكم فيها اذا كانت العين ناعسه او طالعه لفوق !!

اذا كانت ناعسه اعتمدي شيئين :

* لا تحطين ما سكرا من تحت .. مع التركيز عل الماسكرا بآخر العين من فوق ..

* اذا رسمتي الكحل من فوق وقفي لعند نهاية العين بعدين ارفعي الكحل شوي لفوق ..

اذا كانت طالعه على فوق ..

* حطي ماسكرا بالرموش السفليه من النهاية ..

اشياء اضافيه ..

ممكن تستشورين شعرك مع هاللوك وتنزلين غرتك ..

او تشدين شعرك على ورى مع قبه خفيفه قدام ..

او ممكن تسوينه ويفي مرتب ..

ممكن ايضا تعتمدين الملابس الكلاسيكيه ..

بصراحة المكياج الكلاسيكي مافية ارييييييييييييييح منة

وبس اتمنى افدتكم
مع خالص حبي/
جاكم القمر

23-11-2008, 04:40

** جالكم القمر **
تسلمين ياقمر..
من جد وإنتي تشرحي من كثر حبي للميك أب كنت راح أنط وأقول إيه صادقه ولو سوينا كذا بعد صح هاهاها
(( مرحبآ بك بيننا تباشير

المطر....)).

la,vie

23-11-2008, 06:09

تسلم الايادي عالموضوع

24-11-2008, 11:50

تسلمييييين يالغلا
على هيك مووضوووع
اعجبني كثير لانه شغل هااادي..
*ننتظر جديدك

*

25-11-2008, 09:43

تسلمي

25-11-2008, 03:01

تسلمين والله على المكياج ...

كفيتي ووفيتي ...

أدوات الموضوع	البحث في الموضوع
عرض نسخة للطباعة إرسال هذه الصفحة إلى بريد إلكتروني	البحث في الموضوع: بحث متقدم
أنماط العرض
النمط الخطي الانتقال إلى النمط المختلط الانتقال إلى النمط الموضوعي

مستخدمين موجودين حالياً يشاهدون الموضوع: 1 (0 أعضاء و1 ضيوف)

هدية الشتاء(المكياج الكلاسيكي)

قسم خاص بالصبايا