على كثر اتصالات الخلايق في صباح العيـد ..!!

#1 12-11-2008, 12:25 PM

على كثر اتصالات الخلايق في صباح العيـد
انـا والله ماكنـت اتحـرى غيـر جوالـكـ

تحريت اتصالك انـت يالغالـي وبالتحديـد
لان العيد ما اظنه يجي وما جيت في بالـكـ

.تصوّر كيف مر العيد من تنكيد فـي تنكيـد
وانا ماغير اهوجس بك وانادي واتحرالـكـ

وجوالي غدى مثلي تنهـد واكثـر التنهيـد
يقول: ابطى عليك وقلـت: العلـّه ارسالـكـ

. وقمت اكذب على نفسي واقول بصيغه التاكيد
اكيد الحين بتكلم وانـا ادري ماطرينـا لـكـ

على مايبدو اني كنت عن بالك بعيـد بعيـد
حرام ارجوك صدقني انا ما استاهل افعالـكـ

انا ملكك وانا دايم على ماتشتهـي وتريـد
انا وياك تعرفنـا كمـا المملـوك والمالـكــ

انا رهن اصبعك اشر ومن هالإيد الى هالإيد
على كل اعتباراتـي انـا طفلـك ورجّالـكــ

واذا غايتك تذبحني فما انت بحروة التأييـد
توكل وانت تلقاني متى مـا تنـوي إقبالـكــ

ولكن لا تعودني على الفرقـا ونـار البيـد
انا عايش على خبرك نعيم وجنـة وصالـكـ

جفاك اليوم قيّدني تعـال وفـك هـذا القيـد
كلّمني وعايدنـي وقلـي انـت وش حالـكــ ؟

يا ليت العذر "فاتوره" عليك بحجة التسديـد
اخاف العذر هي قولة:نسيته رقـم جوالـكــ !

مما راق لي

دمتم بـــــــــود

#2 12-11-2008, 01:46 PM

كلمات راااائعه
وأحاسيس تنبض بالشوق الحارق
وتعزف الحان الإنتظار المؤلمه والممتعه
الحب هنا قيده
وجعله أسير الرساله والإتصال

أعجبني ماراق لك عاشق
وأسرني كلام الشاعر

رائعه جدا
أشكرك ياذوق

* سي يو *

#3 04-04-2009, 08:01 PM

زمان وطاف

لن تذبل ارواقي .... وانتي ..تجعلي منها اوراق ربيعيه
الف شكر لك

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري