السلام عليكم ورحمة الله وبركاته

مساء الخير

في موضوع عجبني بمنتدى فحبيت اشوف ارائكم فيه وهو


البنت اللي ماتعرف تطبخ.. هل تصلح تكون زوجة!!!


تعال يا شاب يامقبل على الزواج.. هل راح تقبل شريكة حياتك بهذا الشكل!!!!

تخيل نفسك وانت راجع من الشغل ساعة 2 واكيد تعبان ومرهق.. وفجأة تكتشف انه مافيه غداء..

والسبب أن زوجتك العزيزة الغالية ماتعرف تطبخ!!!

وين المدرسة ومنهج التدبير المنزلي من هذاا!!!

لاتعليق


انا اتسآل وين دور الام في تعليم بناتها الطبخ؟!!

فيه منهن أحسن حالا ويعرفن يسوون البطاطس والبيض بأنواعه ( مقلي ، مسلوق ، وعيون ) وأحيانا يسوون شاي ولو انه مرات كثيرة يكون بدون سكر أو عسل كله سكر..

أنا هنا أتكلم عن جزء من البنات ولو انه صار عددهن يزيد

في السنوات الأخيرة.. هناك أسباب لهذي المشكلة وأهما:

1- وجود الخادمة
2- الأنشغال بالدراسة



يمكن يرد علي واحد ويقول الزواج مش طبخ.. حلووو بس هل تقدر تعيش بدون طبخ؟

راح تقولي :

فيه حاجه أسمها مطعم؟ حلو بس هل راح اتعيش طول حياتك كل يوم اذا جعت تروح المطعم .

والصباح تروح المطعم والظهر تروح المطعم والعشاء تروح المطعم.. هل راح تستحمل هذا؟؟؟

في الآخير أتسآل سؤال برىء.. اذا هذي البنت ماعرفت تطبخ فكيف راح تربي عيالك!!!!!

شنو رايكم في هالكلام !!!!!!!!!

__________________

أرحب بموضوعك عاشق في الحوار
ولكن ديننا عندما رغب في الزواج ونصح الشباب بـ :
الودود الولود وايضا ذات الخلق والدين

ولم يكن الطبخ من أساسيات الزوجة
وقال تعالى :
وماخلقت الجن والإنس الا ليعبدون

أنا لا أنكر ان المرأة التي تجيد الطبخ هي كفؤ للحياة الزوجية وللأولد وواجهه مشرفه للمجتمع

لكن التساؤل الحقيقي هنا
انت ايها الرجل هل علمت إبنك قبل الزواج :
ترك التدخين-المواظبة على الصلاة - الصرف على المنزل - حسن الأخلاق- غظ البصر- احترام زوجتك
المساعده في التربيه لانك رب الأسره-الحلم وظبط النفس-الترفع عن صغائر الأمور .!!!!!!!

لن نقارن الطبخ بهذه الأمور
لأن الطبخ مسألة تعلم
قال ايش .. اذا ماتعرف تطبخ كيف بتربي العيال ..؟
أجل الأب المدمن واللي مايصللي والمنحرف أخلاقيا كيف بيربي العيااااااال ..؟

مجرد رأي
وأعلم انه متعصب
لكن حقوقي وكوني إمرأه يتطلب ذلك

مراحب بك عاشق
وتسلم ايدك

* سي يو *

__________________

__________________

والله ردج يخلي البنت ما تتعلم الطبخ بهالحجج خخخخخخ
بس والله كل كلمه االي قلتيها صح .. مع انه هالشي ما جاء ع بالي (( قصدي التساؤلات الحقيقيه ))
أسجل إعجابي بهالرد ..

يعطيييييكم العافية ..

__________________

زمـآن يـعطيك العآفيـه على ردك
أنـآ معـآك بكل اللي قلتيه
بس ليش نفترض أن كل الشبآب
مو محآفظين على الصلاة ومـو متربين من نآحية غظ البصر
وأحترآم الزوجـه
الحمـدلله الشبآب فيـهم خير ..
ونفس الشيء ينطبق على البنآت
مو كلـهم مـآيعرفون يطبخون
والتسأؤلات اللي قلتيهآ تصير عند الشبآب و البنآت
ولو نبغى نتصيد على أخطأ الزوج والزوجـه
من نآحية حقوقهم بالمنزل والتقصير من مين
لاخـذنآ وقـت كثير ..
المطروح الآن قضيـة الطبخ
وهي بالنسبه لي أنـآ مـو من أولويآتي
اللي مآيعرف يتـعلم ..
واذا عآجبتني البنت من نآحية الاخلاق والجمآل مستعـد اضحي
ويـعتبر اللي قلته مجرد رآي
/
/
/

__________________

من وجهة نظري ينفع
تكون زوووجه
لانه يعتبر عيب صغير
وبإمكانها حلله
صحيح اتها راح تتعب بالبداايه
لكن راح تصلح هالعيب
بحبها لبيتها ولزوجها
ومااشووف انه شي كاايد ابدآ
ولله الحمد فيه مصاادر كثيره
تقدر تستعين بها من كتب الطبخ
والنت ووو...
وكثييير بنات اعرفهم تزوجوا
مايعرفوون يطبخووون ابببببدآآ
وشووفهن الحين ماافيه احسن من طبخهن..

والصرااحه مايعجبني الرجل اللي همه
وتفكيره بس بطنه وهذا كل هدفه بزواجه!!؟؟

يعطيك العاافيه اخوووي**

__________________

الحين الرجال ينقاش بالطبخ وانتم طلعتم لموضوع ثاني ومقارنه !!

زمان الرجال مايتصيد الخطاء عشان يكون ردك بجانب سيء بالرجل اتمنى ان كان ردك بالتصحيح للمشكله ليس الخوض بمشكله آخرى !!

لكن الي ماتعرف تطبخ تتعلم قبل تتزوج الله لايهينها !
اجل مطاعم وانا متزوج وين صارت هذا

تحياتي لكم . ..

__________________

اقتباس:

لكن الي ماتعرف تطبخ تتعلم قبل تتزوج الله لايهينها ! اجل مطاعم وانا متزوج وين صارت هذا

انا مع .. اخي جريح ....
اش الي تجيني البيت .. وهي ماتعرف تطبخ .. وليه طول هالسنين .. اش تسوي عند أهلها .. ؟؟؟؟
بعدين .. يكفي ... ايام العزوبيه ... لعبت في بطونا المطاعم لعب ... ونتزوج .. وبرضه على المطاعم ؟؟؟

لا والله حلوه ذي ههههههههه... امزح


حبايب ... قلبي جميـــــــــــع

اسعدني حواركم .... وكل عبر عن ... رأيه ....
واحترم اراء الجميــــــــــــــــــــع

الف شكر لكم جميع
والله لايحرمني منكم

__________________

موضوع للنقاش في غاية الروعه والاهميه ...

بالنسبه للموضوع...

الصراحه بتكلم فيها لأنني لآأُجيد أسلوب غيــره ,,,

وليس لأنني أتحدث من خلف شاشه سوف أبجل نفسي وأقول اعرف وانا لآأعرف..

انا مبرجمه نفسي ع أشياء معينه يعني انا امشي ع مقولة "فيه مهم وفيه أهم"

بما ان توجد لدينا خادمه قادره ع تقديم الخدمات كافه لي وانا لدي مستلزماتي الخاصه

خلاص مايحتاج هي وجدت لخدمتي ...

صحيح مااعرف أطبخ لكن مو اللي بشكل "نهائي" لآ لكن مثلا رز هريس جريش

هالامور مااعرفها نهائياً يعني الامور اللي اعرفها ماتأهلني اني اقدمها لزوج المستقبل

والمشكله العظمى ان شغالتنا ماااااترضى انها تعلمني او شي زي كذا يعني احياناً اكون

فاضيه ادخل عليها المطبخ اقول لها علميني كيف ذا وشلونه ذا تقوول لالا انت مافي معلوم

واحس فيها انها عصبت وانسحب ... والا انا لدي القبول بإني اتعلم الطبخ قبل ماافيد احد

افيد نفسي بالاول ..

وان تقدم ولد الحلال وقُبل بالقبول شي طبيعي اني راح احدد اوقات اتعلم فيها الطبخ الى

ان أجيده ع اتمم وجه ... وقبل ذالك لاننسى ان الطبخ فن ومهارات شخصيه فمن كانت

لديها تلك المهارات حتى وان كانت الطبخه عاديه مع وجود نفسها اصبحت غايه بالروعه

بالنسبه للرجال :

مو كلهم يشترطون انها تكون تعرف تطبخ وو...الخ

اقرب مثال بالنسبه لي "عمــي" تزوج وكان عنده خبر ان زوجته ماتعرف شي نهائياً

بالمطبخ مو بالطبخ بس وكان يقولنا عادي ولاهو مستعيب الشي ذا ويقول انا اللي علمتها

لان عمي كان اغلب حياته عايش لحاله عشان وظيفته فـ صار يجيد الطبخ احسن مني

بالنهايه "الــرفله" التي لآتجيد الطبخ وغيرو ==> هي من تملك الحظ ...!!!

والعكس ==> الله يرحم حالها ..

هذا الكلام من واقع ومارأيته بحياتي بمختلف البيئات ..

أسأل الله التوفيق لي ولكم وأن أجيد الطبخ أنا ومن هن مثــلي

الف شكرر لكـ،،،

__________________



كل مــآ يدخل أبوي لغرفتي يطلب جديدي
.........يـــآدفى صوته ليــآ أبتسم وقــآل سمعيني
يقعد ينـآظر خرآآبيشي وأنا أخفيها بـــ أيدي
.......ويضحكـ لآ سألني مـآ كتبتي شي فيني .. !
مــآ درى بــأنه الوحيد الي عجز عنه قصيدي
.......لآنه أكبر من حيــآتي .. ومن سخــآفة ملهميني

رحـــ م ــكـ الله يــآبنــت الرآفــدين،،