 |
|
إعلانات |
|
 |
 |
 |
|
|
|
|
| |||||||||||
|
|||||||
| عذب الكلام للمبدعين في فن الخاطره ارسم احلى لوحه واعذب الكلام |
 الإهداءات |
 |
|
|
LinkBack | أدوات الموضوع | انواع عرض الموضوع |
|
#1
03-06-2009, 12:54 AM
|
||||
|
||||
" تـري وش معنى غيأآبك ..!؟ "
يا حبيبي في .. غيابكْ
إختلفْ شكلي ولوني صرتْ أنا إنسان / ثاني والسَهَر تعّبْ عيوني والسؤال اللي ذبحني : - صدق اهو فعلاً نسى ؟ راح وأهداني الأسى! وما وصلتْ إلا ل حقيقه : الجفا أسْهَلْ طريقه للقسى..! تدري لو ينطق غيابك؟ بس أبسأل وين كنت؟ ووين رحت بغيبتي؟ وبسأله عن وضع قلبك! هنت عنده أو ما هنت؟ ياللي مِن غيرك حياتي ما لها داعي ومعنى ! صار قلبي ما يحاتي: بعد ما تخليت عنه ! إيه كل الناس عندي بس مابيهم بدونك ..!! تدري يا عمري بأنك.. عندي كل الناس إنت ! ومهما تجرحني / مسامح وكِل طعناتي / عوافي عشت وافي لدنيتك وموت وافي .. ما اخونك لو تجافي ما هو آنا اللي إن ضاقت علي الدنيا / خنت * * غيبِتِك [ قسمه ونصيب ] خلْني أشرَه ع ( الزمن ) يا حبيبي .. ما هو عيب إن بكى فيني .. الوزن ( يا تصيب و يا تخيب ) [ فكره ] .. في بالي تزن إنتَ [ أكثر ] مِنْ حبيب إنتَ لي .. معنى ( وطن ) ..!! يعني مِنْ غيرك " غريب " ما أساوي .. أي ثمن ..!! وإنتَ أقرب مِنْ / قريب [ رمش ] وشعوري جفن ولما عَن عيني .. تغيب لا مدينه .. ولا سكن..!! ماااات .. إحساسي العجيب وصرت أبحَث عَن كفن.!! ما هو كل جرحٍ يطيب وما هو كل حزنٍ : " حزن " ..!! * * تدري وش ناتج غيابك ؟ زادت ب قلبي الهموم ! [ الفَرَح ].. عنِّي مسافر وحزني ضيفي كل يوم صرت أسأل صرت " ضايع " حلم هذا أو حقيقه ؟! كنت شاري وإنت / بايع به مثل ه الضيق ضيقه ؟! عطني من وقتك / دقايق شوف وش فيني و روح ! يا حبيبي حيل ضايق حس مرَّه ب الجروح يعني جرحي ما يهمِّك ..!؟ وعادي عندك لو [ أضيق ] إنسى إنَّ إسمك .. حبيبي صير لي عون وصديق ليه قلبك .. ما يبالي ..؟ وقلبي " محتاجك " يبيك إنتَ عندي شخص غالي تكفى لا تصدمني فيك ما بقى لي شخص / غيرك وإعتيازي لك .. تعب إيه محتاجك وشوقي نار وغيابك " حطب " ! تدري وش ينهي غيابك ؟! ينهي أحلامي و [ طموحي ] ويبتدي مشوار حزني .. وتنتشر فيني جروحي ! ما بقى للشوق حاجز من كثر ما عاش فيني كيف أقول : إشتقت لك ؟! وصورتك دايم ب عيني ! كيف أضحك .. كيف أنسى ؟! وإنت غايب عن مكانك لو يخون الكل ويقسى قلبي لك عمره ما " خانك " .. ما قدر يترس عيوني .. من بعد عينك عيون ! ليه مستغرب جنوني ؟ يا موصلني الجنون .. شفت كل الدنيا هذي ؟! ما تساوي أي شي ! قمت أسأل نفسي [ وينك ] .. من معاي ؟ ومن علي ! وبالنهايه لا تحاتي .. تبقى في دفتر حياتي : أغلى كلمه .. وأحلى كلمه ! إنطقت فيها " شفاتي " ..! تدري وش " يقتل " غيابك ؟! يقتل إحساسي وعمري ! وين رايح عن عيوني ؟ ليه ؟ تو الناس ! بدري ! إدفن أسراري معاي .. ما أبي أي شخص يدري لا تسولف من وراي ! خل يكون الحب " عذري " ..! وإن سأل عني قليبك ؟! لا تفكِّر في الجواب ! قول [ إحتاجك ] حبيبك .. وإنت لاهي ب الغياب ! من يحبك .. وش مصيره ؟! - " يحترق " قلبه أكيد! تنهي أحلامه الكبيره .. وتبدي في حبٍ جديد ! ولا يهمك قلب حبّك ! وضحَّى في عمره / عشانك .. المهم يرتاح قلبك .. وتلقى في الدنيا / مكانك ! صرت أبعد من منامي ! وكنت أقرب من ثيابك !! أختصر باقي كلامي ؟! حيل يقتلني غيابك تدري وش بكَّى غيابك ؟ موق عين اللي تحب ! مهتني حضرة جنابك والمشاعر " تنتحب " ..! المطر من غبت ينزل إمتلت عيني وخدِّي ! ما رضى قلبي يعزِّل رغم إنِّك صرت / ضدِّي ! إستحَت منِّك [ طعوني ] .. وما قويت أصير ضدِّك ! ليت ما شافت عيوني من يذمني [ ضيف ] عندك ! إنسَحَب فرحي / وطموحي ويني عنِّي ؟ - ما دريت ! صرت أضحك من جروحي وداخلي ياما ( بكيت ) .. ! صارت الراحه / ألَم واللي باقي .. ما سَلَم !! " التَعَب " واقع أعيشه قلبي ب الفرحه حَلَم ..! دمعتي تمشي تسولف وإنعَمَت عين الشفايف وكل دمعه تطيح منِّي إنكتَب فيها " حسايف " مو غريب أبكي عشانك الغريب إنِّك .. تخوِّن !! ويبقى مثل أوِّل مكانك وأعتبر ه الجرح ( هيِّن ) ..! فدوه لك جرحي .. وضيقي المهم قلبك يحب .. تدري وش موتي ال حقيقي ؟! [ من حياتي تنسحب ] .. تدري وش صحَّى " غيابك " ؟ جرح نايم من سنين ! ما ربحت وما فرحت جرحي فيني يستهين ! غيبتك كانت خساره إفهم التعبير زين من ترك قلبك دياره وجه جدرانك ( حزين ) ! دمعتي تملي عيوني عين تسأل فيني عين تبكي فيني أو بدوني وضعت بين الدمعتين ! وين أيَّامك يا " غايب " ؟ قلبي يسأل قول وين !! يا بعد كل الحبايب .. شوف وش سوى الحنين ! نمت وفي حلمي لقيتك وقمت أردد كلمتين : لا تغيب أكثر فديتك نامت أفراح السنين ! تدري وش وقَّف غيابك ؟ وقَّف غيابك [ سنيني ] ! نبض قلبي .. ليه ساكت ؟ والدموع اللي تباكت ؟ كل هذا صار فيني !! يعني معقوله تغيب وما تراجع ب القرار ؟ منظر غيابك كئيب ! واقف ب " سكة قطار " ! في قفص صدري ربيت كيف أحس الطير طار ؟ لا نهاري هو نهار .. وفيك أسهى ما دريت ! ومن يكلمني يقول : يا بخت من به سهيت إنت ما حسيت يمكن والغياب أكبر دليل , دايم يردد لسانك : " لذَّة الشي القليل " راضي قلبي في قليلك ! المهم ألمح وجودك تحترق أعصاب قلبي .. وإنت غايب ! يا برودك !!! تدري وش بعثر غيابك ؟ قلب من تغليك عينه ! من بعد ما كان يشوفك رغبته ومعنى سنينه ليه يا عيني بكيتي ؟ قالت عيوني : حزينه ! قلت يرجع إن هديتي قالت إبتنهيد : وينه ؟! هذا " قلبك " بين إيدينك .. وما أبيك ترده لي ! من كثر ما قلت : وينك ؟ صرت أسألني علي ! ضعت في زينك وشينك مات قلبي وإنت حي ! ما تهم صارت سنينك وما يهمني كل شي ! كل هذا وإنت باقي .. مستغل نقطة فراقي ! ما لقيت بوقت همي " شخص " .. وب الفرحه ألاقي ! مدام الشوق ما جابك وبقلبي الشوق متنثر : غيابك حيل يذبحني .. ويخلي الحب يتعثر ! قليل إن قلت في حقك ومهما قلت أنا مقصِّر ! كثير أشياء تدفعني عليك ، إعذرني ما أصبر ! أحبك ( لا ) ما أبيها ! أبي أكثر من [ أحبك ] ... ومدامك دنيتي فيها حبيبي ما أبي " أكثر " ! قدرت أنسى جميع الناس وفعلاً صرت أنا ناسي ..! يا ماخذ منِّي الإحساس أبي أنساك .... ما أقدر !! معاي إنتَ أكون بخير وقلبي حيل مستانس .. عن العالم حضورك غير وفيك [ الكل ].. متأثر ! تبي تقسى تبي تبعد ؟ وأنا أشتاق لك ويَّاك ! تعال إن جابك الموعد أنا ما أبيك ( تتأخر ) ! حزين القلب ب غيابك وفيه الجرح ما يصغر أقول أشفى مع المُدَّه ! وأشوفه يكبر .. و يكبر .....! تدري وش معنى غيابك ؟ يعني " الموت " المحقق ! عمرك إنتَ شفت [ دفتر ] .. من غلا شخص يتشقق ! يعلَم الله .. وش [ ظروفي ] .. يا بعد عيني .. وشوفي .. مدري وش فيها حروفي ! ما تبي تكتب ( أحبك ).. ! ليتك .. الليله " معايه " ..! ليمتى وهذي السوالف ؟ كل ما جيتك .. تخالف ! قول إذا ع البُعد حالف وما تبي ترجع لي ثاني ! قول .. علمني .. عشاني لا تعلِّقني .. ب دربك بين قلبي .. وبين قلبك ! ما أبي أكثر .. أعاني .. ع الأقل , عطني [ نهايه ] ..! من أماني لي أماني في دقايق في ثواني .. أحترق وأقول : وينك ..؟ إيه وينك ..؟ وين عينك ! يمكن بلحظه أشوفك .. ويمكن إنِّي ما أشوفك ! وبين كل يمكن .... أموت ! وأرجع أرجع للسكوت يعني أرجع لل " بدايه " ..! تدري وش يقهر غيابك ..؟ [ قلب ] في الغيبه سهر ! كل خلق الله إذكروني وإنت .. ما عندك خبر ! يعني ما هزِّك قصيدي ؟ كل ما تقرا ( جديدي ) ! ودِّي أسمع رَد / مُقنع : كيف من غيرك أعايد ؟ ي اللي " متهنّي " ب عيدك .. عطني الحل المُحايد فيدني ... الله يفيدك ! لا حياتي / هي حياتي .. و الصبر ؟ وين الصبر ! راح مثلك يا غلاتي وما بقى فيني [ عمر ] ...! عيد .. وإنت بعيد عنِّي ؟ بذمتك هذا إسمه ( عيد ) ! كل من جاني يهنِّي قلت : دونك مو سعيد ..! بس .... تذكَّرني ب غيابك .. والفَرَح يملي ثيابك : عيدك مبارك حبيبي وعيدي من غيرك .. قهر !: تدري وش غيَّر غيابك ؟ غيَّر " غيابك " نصيبي ! غلطتك سدِّييييت ( بابك ) !! و غلطتي ويَّاك : طيبي ! زين ما فكَّرت .... فيني ؟ قبل لا تترك سنيني ؟ وش أسوِّي في " إيديني " ؟ ما تبي غيرك حبيبي ! من يشاركني حياتي ؟! و " نصّي الثاني " .... خذيته !!! وش بقالي من غلاتي ؟! وقلبي من شفتك .... نسيته !! ما رضى قلبي جروحك ليه ترضى لي جروحي ! إنت " أحزاني " طموحك ! وآنا أفراحك [ طموحي ] !!
__________________
"الكلمات .. لعيونها" يا حبيبي .. ما هو عيب ..إن بكى فيني .. الوزن ( يا تصيب و يا تخيب ) ~ [ فكره ] .. في بالي تزن إنتَ [ أكثر ] مِنْ حبيب ..إنتَ لي .. معنى (وطن ) ..!! يعني مِنْ غيرك " غريب " ~~ ما أساوي .. أي ثمن ..!! . .      
|
|
#3
03-06-2009, 04:34 AM
|
||||
|
||||
عشت وافي لدنيتك
وموت وافي .. ما اخونك لو تجافي ما هو آنا اللي إن ضاقت علي الدنيا / خنت تعلم بتلك الكلمات >>رائع-جميل-قمه-جنان-...الخ<< لآتوفي ولاتصف معنى الذائقه الفذه لهذا الطرح حقيقه السؤال المطروح يتكون من اربع كلمات لكن كـآن الرد وآفي وكـآفي وشـــآفي..!! يشــرفني ان احتفظ بهذه الصفحه عندي .. دمت بود..
__________________
 كل مــآ يدخل أبوي لغرفتي يطلب جديدي .........يـــآدفى صوته ليــآ أبتسم وقــآل سمعيني يقعد ينـآظر خرآآبيشي وأنا أخفيها بـــ أيدي .......ويضحكـ لآ سألني مـآ كتبتي شي فيني .. ! مــآ درى بــأنه الوحيد الي عجز عنه قصيدي .......لآنه أكبر من حيــآتي .. ومن سخــآفة ملهميني رحـــ م ــكـ الله يــآبنــت الرآفــدين،،
|
|
#4
03-09-2009, 12:13 AM
|
||||
|
||||
تعبثر الاحساس وطغى على الكلمات جمالاً
وازداد ذاك القلب شغفاً بأمل الأمل بعد كل هذا الغياب فقدان .. لن يحسسه الا من فقد كلمااات تلامس احساس الغياب وتشعل الشموع ... لطريق الرجووع عاشق الوطن إستحَت منِّك [ طعوني ] .. وما قويت أصير ضدِّك ! ليت ما شافت عيوني بجد ابدااع تحيااااااتي...
__________________
|
|
#5
03-16-2009, 01:51 AM
|
||||
|
||||
عقد فريد من الكلمات
تتناغم فيه العبارات من عاشق الكلمه .. عاشق الوطن فعلا كانت أروع ما قرأت تسلم الأيادي وراعيها * سي يو *
__________________
 كـبـرتني ياهم دخيلك قول للدنيا أنا عمري الحقيقي كم . زمان .
|
|
#6
04-04-2009, 09:18 PM
|
||||
|
||||
ربي يسعد هالطلات الجميله
كم .. هو شعور لايوصف وانا اجد هذه الأقلام تسطر لي احلا العبارات الف شكر لكم
__________________
"الكلمات .. لعيونها" يا حبيبي .. ما هو عيب ..إن بكى فيني .. الوزن ( يا تصيب و يا تخيب ) ~ [ فكره ] .. في بالي تزن إنتَ [ أكثر ] مِنْ حبيب ..إنتَ لي .. معنى (وطن ) ..!! يعني مِنْ غيرك " غريب " ~~ ما أساوي .. أي ثمن ..!! . .
|
|
| مواقع النشر (المفضلة) |
| الكلمات الدلالية (Tags) |
| معنى, تخرج, غيابك؟؟ |
| أدوات الموضوع | |
| انواع عرض الموضوع | |
|
|
 |
 |
تدري وش معنى غيابك..؟؟!
العرض العادي
