أنت غير مسجل في المنتدى. للتسجيل الرجاء اضغط هنـا
 |
 |
|
|
إعلانات المنتدى |
||||||||
|
 |
 |
|
|||||||
| التسجيل | الأسئلة الشائعة | المجموعات الاجتماعية | خريطة الموقع | بحث | مشاركات اليوم | اجعل كافة المشاركات مقروءة |
 |
 |
| منتدى القصص والروايات كل ما يخص الإبداع القصصي وفن الرواية |
التسجيل السريع
|
 |
|
|
أدوات الموضوع | البحث في الموضوع | أنماط العرض |
|
#1
14-12-2007, 06:07
|
||||
|
||||
|
حبينا نخليكم تشتاقون للقصه قلت انزلها بعد فتره <<<<<نذل  اخييييرااا الجــــــــزء الثــــــــالث* يالله بسم الله نبدأ ////////////////////* المهم دخلوا الغرفه حصيصه بتموت من الحيا راحت وجلست على الكنب اللي جنب السرير ومانزلت عبايتها .. محيميد// وش فيك ترا مافيه احد غريب بس انا نزلي عبايتس يا بعدي يا بعد اخوتس عبود انتي حصيصه ما ردت عليه محيميد//الظاهر تبيني انا اللي انزل العبايه شوفيني وش حلاتي اول ما دخلت الغرفه جدعت البشت والغتره والعقال والطاقيه باوريك خشتي عالطبيعه وباوريك شعري مب عبود لاعب عليك النذل يقول اني فيني بداية صلع هه ناظري حصيصه لازالت مدنقه ما تناظر محيميد//طيب طيب .. قرب منها وشال العبايه بسرعه .. حصيصه //آآآآآآآآآآآآآآآي وجع لويت يدي بغا يطق كوعي محيميد//ههههههههههههههههههه يازينك وانتي معصبه يالله باقي الغطا شيليه وجع شكلتس يروع تقل عنز بيذبحونها مغطيه راسها وجسمها طالع خخخخخخخخخخخخخخ حصيصه ساكته محيميد//انتي ما ينفع معتس الا القوه بس هه شال الغطا بنفس الطريقه بس بدفاشته خخخخخخخخخخخخخخخخخ شال الطرحه معه والتسريحه انحاست كلها صار شعرها شووووشه محيميد// يااااااااااااااااااااااااااوك يا ويييلي ويلااااااه وش ذا حصيصه متزوج تكرونيه انا؟؟ الحين انتي وش مستشوره شعرتس فيه متاكده انه باستشوار مب بـ(منفاخ) ؟؟ ولا بمحرك نفاث هع ؟؟ خخخخخخخخخخخ<<<يقال له بيضحكها حصيصه من القهر قعدت تصيح محيميد// حصيصه وش فيتس يا بعدي؟؟ حصيصه قلبي امانه زعلتي ترا قسمن بالله امزح انتي بعيوني قمر وبعدين اهم شي الاخلاق مب الشكل انا شايفتس من يوم وانتي صغيره ايام القرنين والشرايط وايام الشلحه الصفرا <<<ما يعرف يتغزل حصوصه قلبي والله اني احبس حب ما قد حبه احد والله انس بعيوني ازين من زينب العسكري <<< ياقدمه الناس تطورت الحين طاحو بحليمه ونانسي هع حصيصه ما ردت عليه للحين مستحيه ومقهوره وتصيح والمكياج ساح محيميد اخذ غترته وقال// يلااا بلا دلع بس ارفعي راستس بامسح دموعتس هه هذاني امسحها بغترتي عشان تدرين اني احبتس ما جبت مناديل قلت امسح دموعها بغترتي واخليها للذكرى حصيصه لازالت مدنقه .. وساكته .. محيمد// حصيصه تكفين يا عيوني انتي كم لي سنه انتظر هالليله وتخربينها خلينا ننبسط ونسولف تكفين ردي علي قولي لي كل تبن عادي حصيصه// كل تبن <<< حاقده محيميد ( رافع حاجبه ويناظر بحقد بغا يصفقها ) محيميد بينه وبين نفسه (ما ياكل التبن الا وجهتس يا وجه العنز الملتوي) محيميد لحصيصه// يا زين التبن منتس احلى تبن بالعالم اكل تبن واشرب وراه ديزل وبنزين واسيد وفيفادول لو تبين بس انتي اضحكي وريني سنونتس الزينه ((( جا على الجرح هع ))) يلاااااااا ترا طفشت وانا اكلم نفسي .. محيميد// اممممممم طيب ما جعتي؟؟؟ حصيصه سااااااااااكته .. محيميد// والله شكلي باطلب مطبق يا انا من زمان عنه وش رايتس تبين مطبق؟ حصيصه// لا ابي همبرقر ودي اذوقها ماعمري اكلتها <<<الحين عرفت تكلم خخخخخخخخخخخخخخخخخخ محيميد// لا وش همبرقر يختي مضره هذي مب زينه خل اجيب لتس مشكل فلافل مع كاتشب حصيصه سكتت مقهوره ودها تقول مابي الا همبرقر بس مابغت تزودها محيميد// شوفي جوالي وش رايتس فيه توني شاريه جديد بثلاث الاف ريال فيه كاميرا وفيه تلفزيون وفيه دش تخيلي ؟؟ <<< بعض الناس ماودكم انه يبالغ حصيصه//يعني تقدر تشوف فيه صور حريم؟ <<<تفكير حريم محيميد// لا لا الحريم مشفره الصور يطلع عليها اسود ما يطلع الا صور الرجاجيل بس <<<اطلق تصريفه سمعتها بحياتي قهر لو انه يرسل كان ارسلت لتس الحين وسائط بس مفصول <<<يبي يعلمها انه فعل الوسائط حصيصه// جوالك استقبال؟ محيميد// ايه بس انا اللي فصلته عشان وانا معتس محد يشغلني عنتس <<<<<< ما يعرف يصرف محيميد// يلااا عاد سولفي ترا طفشت وانا اسولف وانتي ساكته حصيصه// آآآتشوووووووو <<<عطست حصيصه// الحمدلله محيميد// ليش....عطستي؟ حصيصه// اجرب عطستي <<< الاخلاق صفر محيميد// خخخخخخخخ تنكتين انتي ووجهتس انا احسب صاير التماس بالكهرب ومنفجر شي يوم سمعت العطسه محيميد// يلااا ترا قسمن لو ما تسولفين لاقوم ارقد الحين واخليتس حصيصه// طس ارقد ميته عليك انا ؟ <<<< سامعه وصايا امها جا العشا .. محيميد // بسم الله حصيصه ماتحركت من مكانها محيميد// حصيصه تعالي كلي منتي جوعانه؟ حصيصه// لا محيميد// طيب ورا بطنس ماغير يصرصر تقل مشغلين بسطه العاب ناريه هع حصيصه ساكته ودها تجي تاكل ومستحيه محيميد// كيفك انا باكل وانتي كيفك .. محيميد ياكل وياكل وحصيصه من بعيد تناظر وتقول بينها وبين نفسها جعله يغص محيميد// كح كح كح احم احم كحححح مويه مويه وطمر اخذ الكاس وقعد يشرب مويه ويناظر حصيصه انواع نظرات الحقد .. محيميد// حصيصه اذا نفستس بالاكل تعالي تكفين والله ماعندي استعداد اقضي الليله كلها بالحمام ولو ان عينتس حاره ما استبعد يصير لي حادث بكره عشان نفستس بالاكل اللي انا اكله <<< ماسكه معه مبالغات مدري وش تبي خلص محيميد عشا وراح غسل .. قال //حصيصه انتي مو متضايقه من فستانتس الحين؟؟ ياخي لو اني لابسه لتجيني حكه من الاشياء والخرز والتركيبات اللي فيه لاقعد احك ظهري بشوكه من الوجع هع <<<يقال له بيقنعها حصيصه//لا انا كذا مرتاحه محيميد//بس انا كذا مو مرتاح حصيصه//ياخي وش دخلك انت اللي لابس الفستان ولا انا ؟ محيميد//طيب طيب لا تدفين هذا جزاي خايف عليتس وجع لا تقولين ناويه تنامين فيه بعد؟؟ حصيصه//ايه عندك مانع محيميد//ايه حصيصه//وشووووووووووو خيييييييير محيميد//لا موقصدي شي خلاص بالطقاق انا بروح انام يلاا تصبحين على خير راح محيميد وطفا النور حصيصه//محيميييييييييييييد وتبن لاتطفي النور محيميد//كيفي انا ما احب انام بالنور مب عاجبتس اطلعي حصيصه// طيب باطلع بس شغل النور اول محيميد//والله فيني النوم متعيجز اقوم روحي انتي شغليه حصيصه// فستاني عللله صعب اقوم منه محيميد//قايل لتس افصخيه والبسي لتس بجامه ولا قميص ولا اي شي مريح حصيصه//طيب وين بابدل ملابسي انشالله بالحمام محيميد//يعني افهمها واطلع .. بس حامض على بوزتس منب طالع تبين تبدلين هنا بدلي انا ماني مناظر حصيصه//تدري انت ما ينفع معك شي باروح ابدل برا بالغرفه الثانيه اصرف لي طلعت حصيصه للغرفه الثانيه .. عشان تبدل ملابسها لكن صارت مشكله ..!! الفستان عيا يطلع ضييييق حصيصه//محيمييييييييييييييييييييد محيميد طمر الا هو عند الباب //وش فيتس؟؟ حصيصه// فستاني ضيق مقدر انزله محيميد//طيب افتحي لي اساعدتس حصيصه//خييييييييير انت تبيها من الله ضف وجهك بس محيميد//اجل ليش مناديتني؟؟ حصيصه//مدري محيميد وش اسوي تكفى؟؟ السحاب مو راضي ينفتح محيميد //طيب تدرين مافيه حل الا تشقينه حصيصه//خير انت وخشتك؟؟ وش اشقه ؟؟ غالي هذا ترا تجي تقول لي شقيه! محيميد//اجل وش اسوي فيتس؟؟ اروح انام اصرف لي حصيصه//لا لالاللللااااااااااااا تعال بافتح بس امانه لاتناظر بس افتح لي السحاب وضف وجهك <<<طرار ويتشرط خخخخخخخخخخ محيميد// ابشري <<<بيتقطع من الوناسه دخل محيميد وفك لها السحاب طبعا بعد ما جاه طراق على خشته يوم حاول بس يناظر <<< مب هينه البنت المهم راح محيميد يرقد وحصيصه فيها نوم بس ماتدري وين تنام .. محيميد يشخررررر خخخخخخخخ شششششششش خخخخخخخخخ شششششش zzzzzzzzzzzzzzzzzzzzzzzzzzzzzzzzzz <<<وصف بزران شوي الا جوال محيميد يرررن .. تناظر حصيصه للرقم ؟؟ رقم مميز بس مو مسجل غريبه منهو؟؟ ترد حصيصه ذبحها الفضول // الووو المتصل بنت صوتها حلو مره وتدلع تقول//هذا جوال محيميد؟ حصيصه فاقتن خشتها حصيصه//مين معي؟ البنت// قولي له ريما وهو يعرفني حصيصه// خييير انتي ماتدرين ان اليوم عرسه ؟؟ وبعدين وش تبين فيه ؟؟ البنت// شوفي صراحتن هذا حبيبي قبلك وعرفته وحبيته قبلك وانتي اصلا نصابه لا اليوم عرسه ولا شي مسويه بتقهريني؟؟؟ اقول ناديه بس صرفتي علي حصيصه جتها الصيحه .. بدون شعور راحت ركض لمحيميد وطااااااع صكت الجوال بجبهته محيميد// آآآآآآح وش تبين انتي ؟؟ حصيصه// رد على حبيبة القلب هذاهي داقه والساعه ثنتين بالليل بعد !! محيميد// حبيبة القلب !!! محيميد//الوووو ////////////////* من طلعت حبيبة القلب؟ هذا ماسنتعرف عليه في الجزء الرابع والأخير<<< تشويق بخليكم تحترقون <<<والله نذل خخخخخخخخخخخخخخخخخخخخخخخخخ والله لايحرمني منكم     
|
| Sponsored Links |
|
|
|
|
17-12-2007, 03:37
|
رقم المشاركة : 2 | |
|
رد: هههههههااااي واخيرا محيمد وحصيصه الجزء الثالث ..!!
جرييح مشكووور ع القصة الحلوووة |
|
|
|
|
19-12-2007, 12:08
|
رقم المشاركة : 3 | |
|
رد: هههههههااااي واخيرا محيمد وحصيصه الجزء الثالث ..!!
اوكييييي |
|
|
|
|
| Bookmarks |
| كلمات البحث |
| أدخلي, الثالث, الجسم, هههههههااااي, واخيرا, وحصيصه |
| مستخدمين موجودين حالياً يشاهدون الموضوع: 1 (0 أعضاء و1 ضيوف) | |
| أدوات الموضوع | البحث في الموضوع |
| أنماط العرض | |
|
|
 |
هههههههااااي واخيرا محيمد وحصيصه الجزء الثالث ..!!
النمط الخطي
